سوهاج : حشمت ابو عدوى
مراسل قناة دريم بسوهاج الإعلامي محمود عبدالعال يروي قصته مع (الفائز المزيف احكيلكم بقى حكاية الشيخ عبد الرحيم بتاع مركز دار السلام فى محافظة سوهاج ال قال انة راح ماليزيا فى الاول زميلتى مايسة كلمتنى وقالت لى فى شيخ خد المركز الاول فى العالم فى سوهاج فى القران الكريم رحت صورت معاه ومع أهلة وفوجئت انهم استقبولة استقبال اسطورى كان فاضل يشيلوا العربية من على الارض سجلت معاه وطلبت منه يقرأ قران اعتذر وقالى صوتى تعبان وده نفس الكلام الـ قالة للاعلامى تامر امين لما استضافة قعدت… ادور على الفيس بتاعة عشان الاقى لية صورة فى ماليزيا او اى حاجة لقيتلة صورة بيقول ان أتأهل لنهائى المسابقة متصورها فى استديو تصوير عادى وبعدها بنفس اللبس وفى نفس الاستديو متصور بعلم مصر وبعدها بدرع وبيقول انا فزت طب فين الجمهور فين ال كرمك الله أعلم طلبت قبلها فيديوهات منة او صور من ماليزيا عمل من الهند وقالى لسة مجتش وبعت اجيبها …هنا بقى دخل الشك جوايا وابتديت ادور بمساعدة اصدقاء لية منشدين وشيوخ منهم الشيخ ابراهيم السوهاجى وقدرنا نوصل للشيخ هانى الحسينى ال اخد المركز الاول 2013 والشيخ سيد طنطاوى ال مثل مصر 2015 وده كان اخر متسابق المفاجأه بقى ان المسابقة بتتعمل فى شهر 7 من كل عام وده يتنافى مع التوفيت ال هو خد منه الجايزة المهم خلصت معاه اللقاء بتاعى وقالى هروح عشانن السيسى هيكرمنى والطيارة قربت سألت انا هنا حد من اصحابنا فى المطار عن حد دخل المطار او خرج بأسم الشيخ عبد الرحيم راضى الاجابة الصاعقة كانت لا محدش جه اصلا اتصلت بقى هنا بمصادر فى الازهر الشريف وفى وزارة الاوقاف وفى السفارة الماليزية وال نفوا انهم طلعوا اى حد من عندهم لماليزا وان ميعاد المسابقة لم يأتى بعد هنا بقى بلغت الاستاذ وائل الابراشى بالحصل وقررنا ان احنا نجيبة كضيف هو والشيوخ ال دخلوا المسابقة بالفعل بمجرد دخولة الاستديو عمل فيها ميت وابتدى يغمى علية شوية ويرجع وجبنالة دكتور وال أكد انة زى الفل ومفيهوش حاجة وتهرب من الحلقة وقفل موبيلاتة وخيب امال كل الناس فية
الراجل ده استغفل مصر كلها وده يدل ان احنا عندنا مشكلة فى تداول المعلومات ان لمجرد واحد يكتب منشور على الفيس بوك يطلع فى 50 قناة عشان يحتفلوا بية غير جرايد عربية ومصرية كان مجرد مصدرهم من منشور على الفيس بوك
والنهاردة سمعت الكدبة الجديدة ان فى وفد من اليابان جاى يكرمة
